[color=white]قبل المطر ريح الدعاش بتنزف بالامل
وعند الرحيل دمعة وداع لكل من عز ورحل
والدمعة عند الوجعة عرافة واقفة تدق على باب انقفل
بتهد قصر الامل المبنى فيك
بتسر مسامات النزيف
عند الخريف خاشاك خريف
بتنفتح أبوابك طريح
تنهب ريح تمرق عليك حبوبة تهدهد طفل
الحبيبة..............
كهوف مبنية جواك من خشب أو من قصب
ساكناك وأنت بتفتش ملاذات تسكنا
وما بتسترك ولا بتضاريك من غضب
كضابة مهما فرخت صوت الحنين الما أنسمع
قايداك على الدرب الوجع سايقة المسافات بالتعب
الصديق تباين أجوبة ذات سؤال
مالات إحتمالات الخيال
ترياق سموم الازمنة
قيادة فى الدرب المحال
ما رجعك ما وجعك ما فوتك فرحآ غشاك
ما بدلك طالك حزن فاتك نساك
الشاعر الطالب :عزمى الامام عبد الرحيم الامام
جامعة النيلين .كلية الاحصاء والرياضيات [/color]
موضوع: الحبيبة المطر 
الأربعاء مايو 13, 2009 4:31 am
